Lipjani sonte ndez qirinj në kujtim të viktimave nga aksidenti në Duhël

13:57 | 17 Mars 2019
L G

Në qytetin e Lipjanit sot në ora 19:00 do të ndizen qirinj në shenjë nderimi dhe kujtimi të dy djemve që vdiqën nga aksidenti i ditës së djeshme në Duhël të Suharekës.

Këtë lajm e bëri të ditur zëdhënësi i kësaj komune, Diamant Bytyqi, i cili i ftoi qytetarët dhe institucionet tjera të bashkëngjiten.

“Në shenjë nderimi për humbjen e dy të rinjve lipjanas në aksidentin tragjik, sonte në sheshin Adem Jashari, do të ndizen qirinj në shenjë nderimi dhe kujtimi për Leon dhe Sahitin që i humbëm papritur”.

“Ftoj të gjithë të rinjtë pa dallim që sonte bashkë të ndezim qirinj në kujtim e nderim të dy shokëve tanë”.

“Ftoj edhe të gjithë qytetarët dhe institucionet tjera të na bashkangjiten. T’i nderojmë sonte në ora 19:00, në sheshin Adem Jashari në Lipjan”, shkruan Bytyqi në rrjetin social Facebook.

Shpërndaje në rrjete sociale

Lajmet më të lexuara

Të ngjashme

Foto lajm